മലർവാടി മാസിക

കുട്ടികൾക്ക് “നല്ലതുമാത്രം” നൽകുക എന്ന ആശയവുമായി 1980 നവംബറിൽ ആരംഭിച്ച മലർവാടി മാസിക, നാല് പതിറ്റാണ്ടോളം മലയാള ബാലസാഹിത്യ-സാംസ്കാരിക രംഗത്തെ ശ്രദ്ധേയമായ സാന്നിധ്യമായിരുന്നു.

കുഞ്ഞുണ്ണിമാഷ് മുതൽ വൈക്കം മുഹമ്മദ് ബഷീർ, എം.ടി. വാസുദേവൻ നായർ, തകഴി, സി. രാധാകൃഷ്ണൻ, പി.ടി. അബ്ദുറഹ്മാൻ തുടങ്ങി മലയാള സാഹിത്യത്തിലെ നിരവധി പ്രമുഖരുടെ രചനകൾ മലർവാടിയുടെ പേജുകളിലൂടെ തലമുറകളിലെ കുട്ടികളിലേക്കെത്തി.

കഥകളും കവിതകളും ലേഖനങ്ങളും വിജ്ഞാനക്കുറിപ്പുകളും സർഗ്ഗസൃഷ്ടികളിലൂടെ കുട്ടികളുടെ വായനാശീലത്തെയും ചിന്തയെയും ധാർമികബോധത്തെയും സമ്പന്നമാക്കുന്നതിൽ മലർവാടി മാസിക നിർണായക പങ്കുവഹിച്ചു.

2021 ജൂൺ ലക്കത്തോടെയാണ് മാസികയുടെ പ്രസിദ്ധീകരണം അവസാനിച്ചത്. എന്നാൽ അതിലൂടെ രൂപപ്പെട്ട വായനയുടെ സംസ്കാരവും ഓർമ്മകളും ഇന്നും മലർവാടിയുടെ യാത്രയുടെ ഭാഗമാണ്.